Erdwurms vir kleintjies

Little Beehive
Kleuterskool
(Erdwurmdag)
Dan Pienaar, Vrystaat

Op 11 Februarie 2010 het ek die voorreg gehad om die
kleutertjies by die Little Beehive Kleuterskool in
Ladysmithstraat, Dan Pienaar, Bloemfontein, 'n bietjie oor die
rooi erdwurmpies te gaan leer.

Dit was op versoek van mnr. Zan Jacobs, 'n boer van Bainsvlei.
Sy dogtertjie is ook in Little Beehive, waar die hoof van die
skool, Karen Bisschau, baie graag meer oor vermikompos wou
leer.

Aangesien dit nog klein kindertjies is, kon ek dus nie 'n lesing in
die ware sin van die woord lewer nie en het dus maar die
wurmpies omgestuur sodat die kinders daaraan kon vat.

Sommige was baie gretig en het met die wurmpies in hul hande
rondgeloop; ander het gegril.

Toe ons die wurmplasie in ou motorbande opgestel het, kon
hulle self leer hoe om die wurms kos te gee en wat om nie vir
die wurms te gee nie.

Ek het hulle so bietjie geleer oor "recyling". Hulle was die ene
ore! Net een seuntjie het geweet van 'n ekstra "bin" by die huis
waarin al die koerante en papiere gegooi word.

Dora du Plessis

Erdwurmfeite vir die kleintjies...
het jy geweet?

Rooiwurms se gunsteling kos is waatlemoen

Rooiwurms is goed aangepas by 'n reeks verskillende
temperature en voedingsbronne

Rooiwurms het nie 'n ruggraat, oë of tande nie

Rooiwurms se vel is baie sensitief, veral vir sonlig,
soute en olies en hulle haal deur hulle vel asem

Rooiwurms se wetenskaplike naam is eisenia fetida

Rooiwurms hou die meeste van temperature tussen 10
en 25 grade Celsius

Stap 1 - Merk af
Begin deur 'n klein spasie van ongeveer
een vierkante meter af te merk.
Bedek die grond met 'n redelike laag kraalmis.
Maak dit deeglik nat.

Stap 2 - Bedek met koerant
Bedek nou die kraalmis met 'n laag koerantpapier
of karton - ten minste een hele koerant dik.
Maak die papier ook deeglik nat.

Stap 3 - Raamwerk
Plaas 'n raamwerk van hout bo-op die koerantpapier
en vul dit met goeie bogrond wat met 'n redelike
hoeveelheid kompos gemeng is. Jy kan ook 'n raam
van bakstene maak.Die raam op die foto is in vierkante
verdeel wat dit makliker maak om verskillende soorte groente in
elke vierkant te plant. Dit is egter nie 'n moet nie;
solank dit net 'n buitenste raam het.

Stap 4
Die kindertjies kan nou 'n paar boontjie-, radys-, beet- of
spinasiesaad (Swiss chard) direk in die komposmengsel saai. As jy
saailinge beskikbaar het, wys hulle ook hoe om 'n saailing in die
bedding te plant. Hier is 'n voorbeeld: Saai radyse in die een
vierkant. Radyse kom vinnig op en kan na ongeveer 30 dae geoes
word.Saai daarna sowat vyf boontjiesade in die tweede vierkant,
en vyf beet- of spinasiesaad in die derde vierkant. Plant dan 'n
tamatiesaailing in die vierde vierkant. Hierdie groente sal redelik
vinnig opkom en die kindertjies sal dit geniet om te sien hoe hulle
hul eerste twee blaartjies bokant die grond uitstoot.

Stap 5
Nou is dit net nodig dat die kindertjies die bedding gereeld natmaak
en verder versorg.Vir die ouer of onderwyser is dit heerlik om die
kinders se vreugde oor hul eie lappie groente dop te hou. Die
meeste kinders is gefassineer om 'n saadjie wat hulle self gesaai
het, te sien opkom en tot 'n pragtige plant te sien groei.

Bron: Backyard Organic Garden ''Veggie patch for kids.''

Hoe lyk die verskillende
groente saadjies?
Kyk na die
verskillende groottes
en vorms
van groente
sade.
Kyk na saadjies

Metgesel Plante:
Plante wat hou
van mekaar
Plante help mekaar,
party om goeie
insekte te lok,
ander om slegte insekte
weg te jaag en
ander om kos beskikbaar
te stel vir hulle maatjies
en ander gee skaduwee
of hou hulle maatjies regop.
Lees meer

Groente Inkleur
Bladsye
Inkleur bladsye van
groente prentjies
te kies en te keur
om kleintjies
ure lank besig te hou.
Lees meer

Meer oor die
Kweek van Groente
Vind meer uit oor die volgende:
Groente groepe vir wisselbou
4 jaar wisselbou rotasie sisteem
4 jaar wisselbou sisteem vir beddings
Saai gids vir somer reenval areas
Saai gids vir winter reenval areas
lees meer